La mam de tuc i mam

Madonna - CMS – olio su legno - 1937

Madonna – CMS – olio su legno – 1937

O Mam che, apena nasù,
nel frecc te trepiled per Lù
e te fiaded sul tò fioeu
insema all’asen e al boeu,
…e te seguted poeu a penà
man man ch’el cress e ch’el va
in mez al mond, foeura de cà.
Che sempro el ta fa tribulà:
tel vardet parlà in mez ai gent
tel vedet fa tanti purtent,
e te fet fadiga a capì,
cui to lacrim e un gran magon,
el coeur a toch, in un canton,
perchè lù el ga de murì,
gioven, in su la cros inscì.
E cuma Ti i pensen e fan
in tut el mond i bravi mam,
sempro pront a fà e a cunsolà,
e spess te preghen de vudà
i so fioeu cun la toa buntà,
Ti che reusissed a ligà
cun tut el to santo amor
sta pora nosta umanità
al fioeu del noster Signor.

NATALE 2008