El Gin fere’

Fabbro - CMS - 1956

Fabbro – CMS – 1956

Me regordi el Gin ferè
ch’el faseva el so mesté
in un boeucc negher fumos
in salida Plinio al vot,
de facc alla canonica
del caro vec prevost.
El g’aveva do baffitt
facia tonda e pomei ross,
e un gilé d’un culor stran,
Cun la forza d’un leon
el ciapava sù el so fer
el picava cul martel
el bufava sul so foeuch
cun la cana e cul bufet.
El g’aveva in cò un zuchet
negher, pipa semper piza,
e una vos de fa tremà
tuc i vedri della cà.
A l’aspet l’era tremend,
ma vardandel verament
l’era bon pusé del pan.

28 gennaio 2013