Un blok de pieter de Multras
fà cun bravùra di Magister Cumasin
l’è el noster bel Sant Giacum de Belas!
Sì, cari sciori, svolzé su el capin
l’è un giuiel de basilica, de architetura,
che al dì d’incoeu cun tanta distruzion
cun la guera che divampa e fa pagura,
nun ghe n’è un alter che fa paragon.
Vardè quii arc che cor, che rampen
su pei pilaster, che salten sui culonn
sui lesen, sui navad e par che canten
un inno de gloria al Signor!
Ma el soo che l’è. preputenton,
el filtra de dent del finestron.
e l’altar l’è tut sberlusent de or,
cuntent de vès la cà del Redentor.