Natività – CMS – olio su tavola di legno
Quand suna i campan
nel dì de Natal,
e ‘l ciel a l’è gris
e la fioca lusenta,
el me coeur s’empieniss
d’emuzion e de pas.
Peu la piva la taca
cul sò lent lament
e salta feu can
e gat d’ogni raza,
che curen incontra
a usmà el sunador.
E dedré a quel
se furma un corteo
de fieu e de tusan
cui oeucc spalancà.
Se derva ‘i anton
di cà e dai finestri
vé feura ancà i donn
a vardà e ciciarà.
Intant un’ugiada
de soo l’è rivada
e i tecc sberlusissen
che paren d’argent.
1 novembre 2006